Elvar Jónsson nýr skólameistari VA
Fréttir • This email address is being protected from spambots. You need JavaScript enabled to view it. • Fyrst birt 15. maí 2013 21:30 • Uppfært 15. maí 2013 21:31
Elvar Jónsson hefur verið skipaður skólameistari Verkmenntaskóla Austurlands til næstu fimm ára. Fjórir aðrir sóttu um stöðuna.
Elvar hefur BA gráðu í stjórnmálafræði frá Háskóla Íslands og hefur auk þess lokið kennsluréttindanámi á meistarastigi frá Háskólanum á Akureyri.
Hann hefur starfað við kennslu frá 2002 á grunn- og framhaldsskólastigi og verið kennari við Verkmenntaskóla Austurlands síðan 2010. Hann er að auki bæjarfulltrúi Fjarðalistans í Fjarðabyggð.
Auk Elvars sóttu um stöðuna: Einar Már Sigurðsson, skólastjóri, Eysteinn Þór Kristinsson, deildarstjóri, Helgi Geir Sigurgeirsson, framhaldsskólakennari og Pjetur St. Arason, framhaldsskólakennari.
