Björgunarsveitir þurfa að hjálpa ferðalöngum í vetrarfærðinni
Fréttir • This email address is being protected from spambots. You need JavaScript enabled to view it. • Fyrst birt 16. maí 2013 15:02 • Uppfært 17. maí 2013 22:08
Þó nokkuð hefur verið um útköll hjá austfirskum björgunarsveitum til að hjálpa ferðalöngum sem lent hafa í vandræðum á austfirskum fjallvegum í vetrarfærðinni undanfarna daga.
Þannig þurfti í fyrradag að aðstoða rútu og ferðalanga úr Norrænu sem voru á ferð á Fjarðarheiði. Í það verk gengu sveitir af Héraði og Seyðisfirði.
Þá hafa Héraðsmenn að auki þurfti að sinna einum þremur útköllum vegna bíla sem fastir hafa verið á Öxi. Sveitin þurfti einnig upp á Jökuldalsheiði í fyrradag og á Fljótsdalsheiði í gær.
Nokkrum hlýindum er spáð fram yfir helgi en kólnandi veðri eina ferðina enn eftir það.
