Krapaflóð í Bessastaðaá: Áin flæðir yfir tún
Fréttir • This email address is being protected from spambots. You need JavaScript enabled to view it. • Fyrst birt 04. jún 2013 23:59 • Uppfært 05. jún 2013 14:54
Stórt krapaflóð fór niður Bessastaðaá í Fljótsdal í dag eftir að krapastífla brast í Fljótsdalsheiði. Vatn flæðir yfir tún á bæjunum Eyrarlandi og Bessastaðagerði.
Áin breiðir úr sér yfir túnin. Bændur höfðu skömmu áður smalað kindum af svæðinu af ótta við að flóð kæmi í ána.
Heyrúllur flutu upp og hestar frá ysta bænum á svæðinu milli Bessastaðaár og Hengifossár, Melum, eru á einskonar eyju í ánni en hafa það annars gott.
Ár og lækir í Fljótsdal eru kolmórauð og í miklum ham. Töluverður snjór er enn í Fljótsdalsheiði en hefur minnkað mikið í hlýindum síðustu daga.
