Fjöldi ferðamanna á Austurlandi: Flest tjaldsvæði full
Fréttir • This email address is being protected from spambots. You need JavaScript enabled to view it. • Fyrst birt 10. júl 2013 23:55 • Uppfært 11. júl 2013 00:57
Mikil aðsókn hefur verið að austfirskum tjaldsvæðum síðustu daga og ferðamannastöðum enda einmuna veðurblíða í fjórðungnum.
Varla sást í auðan grasblett fyrir tjöldum, hjólhýsum og húsbílum á tjaldsvæðunum í Hallormsstað í dag. Þá voru stæðin við sundlaugar fjórðungsins mjög þéttskipaðar.
Mestur hiti á landinu í dag mældist á Egilsstaðaflugvelli, 26,1°C og 26°C sléttar á Hallormsstað. Þá var einnig hlýtt á fjöllum, rúmar 23 gráður á Jökuldalsheiði, Vopnafjarðarheiði og í Möðrudal.
Spáð er áframhaldandi hlýindum á morgun en örlítilli vætu. Áfram er spáð sunnanvindum um helgina en heldur kólnar í veðri. Á mánudag er spáð norðanátt.
