Slóð lögð að nýjum Norðfjarðargöngum
Fréttir • This email address is being protected from spambots. You need JavaScript enabled to view it. • Fyrst birt 13. ágú 2013 23:02 • Uppfært 14. ágú 2013 09:56
Undirbúningur að nýjum Norðfjarðargöngum er kominn á fullt. Í sumar hefur verið unnið að byggingu nýrrar brúar yfir Norðfjarðará og nú er byrjað að ryðja slóð frá væntanlegum gangnamunna að brúnni til að menn komist að munnanum og geti byrjað að vinna þar.
Slóðin er um þrír kílómetrar að lengd og lögð í fyrirhugðu vegstæði til að hún valdi sem minnstum spjöllum á landinu.
Fyrst var farið eftir veglínunni, jafnað í henni og ræst fram á blautustu svæðunum en votlendi er víað í henni. Síðan á að reyna að flytja skriðuefni frá gangnamunnanum í slóðina til að hún beri vörubíla.
Vegurinn sjálfur verður síðan að mestu gerður úr efni úr göngunum þegar þar að kemur. Verkið er unnið af Héraðsverki.
