Dagmar Ýr ráðin upplýsingafulltrúi Fjarðaáls
Fréttir • This email address is being protected from spambots. You need JavaScript enabled to view it. • Fyrst birt 24. ágú 2013 14:03 • Lorem ipsum dolor sit amet.
Dagmar Ýr Stefánsdóttir hefur verið ráðin upplýsingafulltrúi Alcoa Fjarðaáls og kemur til starfa í í október. Erna Indriðadóttir, sem hefur gegnt starfi upplýsingafulltrúa Fjarðaáls frá því fyrirtækið hóf rekstur, sagði starfi sínu lausu síðastliðið vor og hverfur til annarra starfa.
Dagmar Ýr er fædd árið 1982 og alin upp á Jökuldal. Hún varð stúdent frá Menntaskólanum á Egilsstöðum árið 2002 og útskrifaðist með BA próf í fjölmiðlafræði frá Háskólanum á Akureyri 2007.
Hún starfaði sem fréttamaður á sjónvarpsstöðinni N4 og frá 2008 hefur hún verið forstöðumaður markaðs- og kynningarmála hjá Háskólanum á Akureyri.
