Norðfjarðargöng: Vinnubúðir rísa við Eskifjörð
Verktakar við ný Norðfjarðargöng byrjuðu í síðustu viku að reisa vinnubúðir sínar við Eskifjörð. Brúardekk nýrrar brúar yfir Norðfjarðará var steypt á fimmtudag.
Fyrstu einingar vinnubúðanna voru fluttar á vinnusvæðið á þriðjudaginn í síðustu viku. Nú eru þar komnar vinnubúðir fyrir 40-50 starfsmenn og skrifstofur. Fyrstu starfsmennirnir gætu flutt í vinnubúðirnar fyrir mánaðarmótin.
Vinna við að fullgera þær heldur samt áfram og stendur yfir næstu daga og vikur. Enn er eftir að fylla í plan undir verkstæðisaðstöðu við gagnamunnann.
Stefnt er að því að byrja að grafa frá stafninum fyrir mánaðarmótin og að eiginlegur gagnagröftur hefjist um miðjan nóvember.
Í sumar hefur unnið við nýja brú yfir Norðfjarðará en brúardekkið var steypt á fimmtudag. Alls fóru 290 rúmmetrar í dekkið og verkið tók rúmar fjórtán klukkustundir. Brúin á að vera tilbúin um næstu mánaðarmót.
