Leiðindaveður á Austurlandi: Ófært um Fjarðarheiði og Oddskarð
Fréttir • This email address is being protected from spambots. You need JavaScript enabled to view it. • Fyrst birt 30. okt 2013 18:21 • Uppfært 30. okt 2013 18:22
Gengið er í vonskuveður víða á Austurlandi en samkvæmt veðurspá mun veðrið ganga niður í nótt.
Samkvæmt upplýsingum frá Vegagerðinni er stórhríð á Oddskarði og vegurinn lokaður. Því er ófært í Neskaupstað.
Eins er óveður á Fjarðarheiði og því ófært með öllu til Seyðisfjarðar.
Annarsstaðar í fjórðungnum er víða allnokkur úrkoma og snjóþekja eða hált á vegum. Því er mikilvægt að fara að öllu með gát þegar farið er á milli staða.
Nálgast má samanteknar upplýsingar um færð á vegum og veðurspá fyrir Austurland hér á vef Austurfréttar.
Slóðin er www.austurfrett.is/vedur.
Mynd: Snjómokstur á Fjarðarheiði fyrr á þessu ári.
