Áfram leitað að Gunnari Svan í sumar
Fréttir • This email address is being protected from spambots. You need JavaScript enabled to view it. • Fyrst birt 30. jún 2023 15:49 • Uppfært 30. jún 2023 15:59
Leitað verður áfram í sumar að Gunnar Svan Björgvinssyni sem hvarf frá heimili sínu á Eskifirði í lok febrúar. Þyrla Landhelgisgæslunnar aðstoðaði í gær en engar nýjar vísbendingar hafa komið fram.
Sem fyrr beinist leitin að Eskifirði og nágrenni. Í gær voru leitaðar fjörur inn og út með Reyðarfirði og Eskifirði, frá Vöðlavík að Vattarnestanga.
Að sögn Kristjáns Ólafs Guðnasonar, yfirlögregluþjóns hjá lögreglunni á Austurlandi, voru aðstæður góðar en leitin árangurslaus.
Frekari leit er fyrirhuguð fljótlega í hlíðunum fyrir ofan Eskifjörð.
