Áfram varað við krapaflóðum
Fréttir • This email address is being protected from spambots. You need JavaScript enabled to view it. • Fyrst birt 04. apr 2023 04:22 • Uppfært 04. apr 2023 04:23
Almannavarnir á Austurlandi varar áfram við hættu á krapaflóðum í hlýindum og rigningu.
Hlýtt hefur verið á Austfjörðum í nótt, hitinn á bæði Skjaldþingsstöðum og Seyðisfirði var kominn í yfir 12 gráður klukkan fjögur. Þá tók að rigna undir miðnætti á hluta Austfjarða.
Spáð er að heldur dragi úr úrkomunni undir hádegi en hún fari aftur af stað í kvöld. Síðan styttir upp og kólnar á morgun.
Enn er talsverður snjór í hlíðum og fjöllum og því ekki hægt að útiloka krapaflóð í lækjarfarvegum. Fólki er því beðið um að sýna aðgát nærri vatnsfarvegum þar sem spýjur geta borist niður.
Íbúar í húsum nærri farvegum með sögu um krapaflóð eru hvattir til þess að sýna aðgæslu og dvelja ekki í kjallaraherbergjum með gluggum sem vísa upp í hlíðina á meðan að rigningin gengur yfir.
