Allir vegir færir á Austurlandi en hálka og snjóþekja víðast hvar
Fréttir • This email address is being protected from spambots. You need JavaScript enabled to view it. • Fyrst birt 08. feb 2022 09:58 • Uppfært 08. feb 2022 09:59
Fært er orðið á öllum vegum austanlands eftir óveður gærdagsins en snjóþekja og hálka á þeim flestum og skafrenningur vandamál á köflum.
Velflestum vegum í fjórðungnum var lokað í gærmorgunn í öryggisskyni vegna óveðursins. Mokstur hófst á helstu leiðum um miðbik dags í gær og náðist að opna allar helstu leiðir síðdegis.
Sama staða er uppi á teningnum á vegum Norðaustanlands. Töluverð hálka og snjóþekja og þá er vegurinn um Hólasand ófær með öllu.
Óvissustig er á nokkrum leiðum eftir því sem norðar dregur og þá er snjóflóðahætta á köflum líka.
