Allt getur enn gerst
Elvar Jónsson, oddviti Fjarðalistans, segir að enn geti allt gerst í kosningabaráttunni í Fjarðabyggð. Menn þeytist um og kynni sig og stefnumál sín.
Fjarðalistinn mældist með ríflega 40% fylgi í skoðanakönnun í vikunni og bætir töluverðu við sig. „Ég tek þessari könnun fyrst og fremst sem vísbendingu en þetta hefur ekki áhrif á okkar starf fram að kosningum enda mjög margir óákveðnir og allt getur gerst ennþá."Elvar segir að ef úrslitin verði á þennan veg sé auðvelt að túlka fjarveru Biðlistans á þann hátt að fylgi hans fari mest til Fjarðalistans.
Elvar og aðrir frambjóðendur Fjarðalistans hafa farið víða undanfarna daga. „Lokaspretturinn snýst aðalega um að hitta fólk og kynna framboðið enn frekar - frambjóðendur og stefnu.“
