Allt nýja stofnféð úr Fjarðabyggð
Fréttir • This email address is being protected from spambots. You need JavaScript enabled to view it. • Fyrst birt 10. ágú 2010 23:26 • Uppfært 08. jan 2016 19:21
Fjárhagslegri endurskipulagningu Sparisjóðs Norðfjarðar er lokið. Nýtt stofnfé, ríflega 250 milljónir króna, kom allt úr Fjarðabyggð.
„Sú aðgerð sýndi eindreginn stuðning heimamanna við Sparisjóðinn en nýja stofnféð kom allt frá aðilum í Fjarðabyggð,“ segir í tilkynningu frá sjóðnum.Þeir aðilar sem koma að endurskipulagningunni eru auk Seðlabankans, Byggðastofnun, sveitarfélagið Fjarðabyggð, fyrirtæki og einstaklingar í Fjarðabyggð. Stofnfjárhlutir Seðlabankans og Byggðastofnunar verða framseldir til Bankasýslu ríkisins sem mun fara með 49% eignarhlut í sjóðnum.
Aðalfundur Sparisjóðs Norðfjarðar verður haldinn í lok mánaðarins.
