Auglýst eftir bæjarstjóra í Fjarðabyggð
Starf bæjarstjóra í Fjarðabyggð er auglýst í Morgunblaðinu í dag. Umsóknarfrestur er til 4. júlí.
Umsóknum skulu fylgja ítarlegar starfsferilsskrár og kynningarbréf umsækjenda þar sem hann gerir grein fyrir ástæðu umsóknar og rökstyður hæfi sitt í starfið.
Helstu verkefni bæjarstjóra Fjarðarbyggðar sem tilgreind eru í umsókninni eru. Yfirumsjón með rekstri sveitarfélagsins, yfirumsjón með stefnumótum og áætlanagerð, náið samstarf við bæjarstjórn og undirbúningur og upplýsingagjöf á fundum bæjarstjórnar og bæjarráðs, ábyrgð á framkvæmd ákvarðana bæjarstjórnar, ásamt samskiptum við stofnanir fyrirtæki samtök og íbúa.
Hæfniskröfur sem tilgreindar eru. Framúrskarandi hæfni í mannlegum samskiptum, reynsla af stjórnun og rekstri, þekking og reynsla af opinberri stjórnsýslu og störfum á sveitarstjórnarstigi er kostur, háskólamenntun sem nýtist í starfi er kostur en ekki skilyrði.
