Íbúafundur á Stöðvarfirði í kvöld
Í kvöld klukkan 20:00, verður haldinn fundur á Veitingastofunni
Brekkunni á horni Fjarðarbrautar og Bankastrætis á Stöðvarfirði um þau
mál sem nú brenna á Stöðfirðingum.
Þar má nefna fyrirhugaða lokun banka og pósthúss á Stöðvarfirði, húsnæðiseklu og atvinnumál.
Fólk er hvatt til að mæta og taka þátt í uppbyggilegum samræðum um framtíð Stöðvarfjarðar en til fundarins verður boðið sérstaklega þingmönnum kjördæmisins, bæjarstjórn Fjarðabyggðar og fulltrúum Landsbankans og Íslandspósts.