Björn fékk boðskortið
Fréttir • This email address is being protected from spambots. You need JavaScript enabled to view it. • Fyrst birt 17. maí 2011 20:51 • Uppfært 08. jan 2016 19:22
Stjórnendur Hörpu virðast ómeðvitað hafa blandað sér í áratuga langa og
harðvítuga deilu milli Héraðs og Fjarða um hvar höfuðstaður Austurlands
sé þegar þeir buðu bæjarstjóra sveitarfélagsins Fljótsdalshéraðs að vera
viðstaddur opnun hússins á föstudagskvöld.
Samkvæmt gestalista sem fréttavefur DV birti var sveitarstjóra höfuðstaðar hvers landsfjórðungs boðið til opnunarinnar. Agl.is hefur fengið það staðfest að Birni Ingimarssyni, bæjarstjóra Fljótsdalshéraðs, var boðið til opnunarinnar. Á móti fer engum sögum af boðskorti Páls Björgvins Guðmundssonar, bæjarstjórar Fjarðabyggðar.
Íbúar sveitarfélaganna tveggja hafa árum saman eldað grátt silfur saman, ýmis í gamni eða alvöru, um hvar höfuðstaður Austurlands sé. Segja má að með boði sínu hafi stjórnendur hins nýja tónlistarhúss þjóðarinnar ómeðvitað tekið afstöðu í þessari deilu.
Íbúar sveitarfélaganna tveggja hafa árum saman eldað grátt silfur saman, ýmis í gamni eða alvöru, um hvar höfuðstaður Austurlands sé. Segja má að með boði sínu hafi stjórnendur hins nýja tónlistarhúss þjóðarinnar ómeðvitað tekið afstöðu í þessari deilu.
