Breyting á ferðum strætó milli Hafnar og Breiðdalsvíkur
Fréttir • This email address is being protected from spambots. You need JavaScript enabled to view it. • Fyrst birt 14. maí 2022 07:38 • Uppfært 13. maí 2022 17:41
Á morgun, sunnudag, hefst sumarakstur á akstursleið 94, sem er milli Breiðdalsvíkur og Hornafjarðar með viðkomu á Djúpavogi.
Ferð vagnsins hefst á Höfn, stoppar á Djúpavogi og endar á Breiðdalsvík áður en keyrt er til baka sömu leið. Leiðin hét áður leið 4 og keyrði milli Djúpavogs og Breiðdalsvíkur.
Vagninn ekur á mánudögum, miðvikudögum, fimmtudögum, föstudögum og svo sunnudögum.
Nánari upplýsingar um tímatöflur og verðskrá má finna á landsbyggðarvef Strætó eða yfirliti yfir Austfirði, eða þjónustuverinu síma 540-2700.
