Brynhildur Péturs: Stjórnmál eiga ekki að þurfa að vera skítkast og leiðindi
Fréttir • This email address is being protected from spambots. You need JavaScript enabled to view it. • Fyrst birt 22. apr 2013 13:21 • Uppfært 08. jan 2016 19:24
Björt framtíð leggur áherslu á að bæta umræðuhefð og vinnubrögð í íslenskum stjórnmálum. Skoða á hugmyndir um aukna þátttöku almennings að stefnumálum með opnum huga.
„Það á ekki að þurfa þessi leiðindi og skítkast í stjórnmálunum. Við boðum almennt minna vesen og það skiptir miklu máli,“ sagði oddviti hreyfingarinnar í Norðausturkjördæmi, Brynhildur Pétursdóttir, á opnum framboðsfundi í Menntaskólanum á Egilsstöðum í síðustu viku.
Sem dæmi um minna vesen nefndi hún þrepaskiptingu skattakerfisins. „Þrepaskipt skattkerfi er nokkuð gott. Þingmaður okkar ætlaði að vera með vesen yfir því en hætti við eftir að hafa kynnt sér það.“
Þar ræddi hún þannig möguleika að Alþingi notaði internetið til að styrkja tengsl sín við þjóðina. „Það mætti sjá fyrir sér vef þar sem hugmyndir yrðu til á og fengju meðmæli. Þær hugmyndir sem slá í gegn verða síðan að þingsályktunum.“
