Fellabakarí bakar eins og ekkert hafi í skorist

Að sögn Björgvins Kristjánssonar bakara hjá Fellabakaríi hófst baksturinn fyrir rúmri viku og nú er framleiðslan komin í nær sama magn og fyrir bruna, aðeins vanti upp á það sem selst hefur í búðinni en hún hefur ekki verið starfrækt frá brunanum og verður ekki starfrækt á sama stað fyrr en fullnaðar viðgerð hefur farið fram á brunaskemmdum hússins. Nú fer öll starfsemi bakaríisins fram í vinnslusalnum, þar er bæði bakað og pakkað en pökkunarsalurinn skemmdist í brunanum, meðan vinnslusalurinn slapp ánast óskemmdur, nema af sóti og reyk.  Aðeins tók viku að þrífa salinn og stilla upp í hann öllum tólum til framleiðslunnar og þrífa þau, þar er nú frekar þröngt segir Björgvin bakari en ,,þröngt meiga sáttir vinna".