Fimmtán menningarverkefni styrkt af Fjarðabyggð
Fréttir • This email address is being protected from spambots. You need JavaScript enabled to view it. • Fyrst birt 01. mar 2022 15:26 • Uppfært 01. mar 2022 15:28
Menningar- og nýsköpunarnefnd Fjarðabyggðar hefur úthlutað einni og hálfri milljón króna í svokallaðan verkefnastyrk til fimmtán mismunandi menningarverkefna á árinu.
Þetta er aðeins brot af þeim 45 milljónum alls sem sveitarfélagið veitir árlega til menningar- og listaverkefna en um þessa ákveðnu styrki geta allir sótt og eru verkefnin sem styrkt eru af ýmsum toga.
Meðal þeirra eru:
- Sinfóníuhljómsveit Austurlands fær 200 þúsund króna styrk til að halda kvikmyndatónleika síðla árs.
- Sams konar styrkur til að halda sérstaka hátíðartónleika Austuróps og Rótarýhreyfingarinnar
- Pólska kvikmyndahátíðin nýtur einnig 200 þúsund króna styrks vegna þeirrar hátíðar
- Minningarhátíð um skáldið Einar Braga sem haldin verður á Eskifirði fær 100 þúsund krónur
- Námskeiðshald í kvikmyndagerð fyrir stúlkur í 8. og 9. bekk grunnskóla fær sömu upphæð
- Rannsóknarsetur HÍ í Breiðdal fær 50 þúsund króna styrk vegna erindis um Dr.Stefán Einarsson
Mynd: Sinfóníuhljómsveit Austurlands hyggst bjóða upp á kvikmyndatónlistarveislu í nóvembermánuði.
