Fundir um nýtt verkefni í öldrunarmálum
Fréttir • This email address is being protected from spambots. You need JavaScript enabled to view it. • Fyrst birt 12. feb 2024 15:53 • Uppfært 12. feb 2024 15:53
Kynningarfundir verða haldnir á Egilsstöðum og á Reyðarfirði um nýtt verkefni sem kallast „Gott að eldast.“ Sveitarfélögin Múlaþing og Fjarðabyggð eru þátttakendur í því frá byrjun.
Um er að ræða samstarfsverkefni þriggja ráðuneyta með sveitarfélögum í samþættingu þjónustu við eldri borgara. Verkefnið er að fara af stað og óskuðu bæði sveitarfélögin eftir því að taka þátt í því strax.
Í dag klukkan 17:00 verður opinn fundur á Egilsstöðum í Hamri, fundarsal á efstu hæð hjúkrunarheimilisins Dyngju. Á morgun, þriðjudag, verður sambærilegur fundur á skrifstofu Fjarðabyggðar, Hafnargötu 2 á Reyðarfirði klukkan 15:45. Streymi verður einnig í boði frá honum.
