Fyrstu lundar ársins komið sér fyrir í Hafnarhólma
Það greypt almennt í þjóðarsálina að heiðlóan sé hinn sanni vorboði ár hvert en ófáir Austfirðingar telja þó að lundinn sé ekki síðri boðberi betri og hlýrri tíðar. Fyrstu lundarnir komu sér einmitt fyrir í Hafnarhólma á Borgarfirðri eystri um kvöldmatarleytið í gær.
Það staðfestir Dagur Skírnir Óðinsson sem tók meðfylgjandi mynd af fyrstu fuglunum um klukkan 19 í gær. Dagur hafði kannað málið aðeins tveimur klukkustundum fyrr en þá voru engir fuglar sjáanlegir í hólmanum fræga.
Aðspurður segir Dagur að fuglarnir hafi ekki borið þess nein sérstök merki að vera þreyttir heldur þvert á móti nokkuð sprækir miðað við langt ferðalagið í Borgarfjörðinn.
Fuglarnir nú koma um svipað leyti og hin síðustu ár. Frá árinu 2016 hefur sést til fyrstu fuglanna í hólmanum frá 7. apríl til þess 12. þó ekki sé óalgengt að þeirra verði vart á sjónum í firðinum aðeins fyrr.
Eftir því sem næst verður komist hefur lóunnar sjálfrar ekki orðið enn vart austanlands þegar þetta er skrifað.
