Ganga og fundur til að sýna samstöðu með Palestínu á Egilsstöðum
Fréttir • This email address is being protected from spambots. You need JavaScript enabled to view it. • Fyrst birt 06. feb 2024 14:33 • Uppfært 06. feb 2024 14:33
Á sjötta tug manns tóku þátt í göngu og fundi sem haldin voru á Egilsstöðum á laugardag til að sýna samstöðu með kröfunni um frið milli Palestínu og Ísraels.
Samstöðufundir hafa verið haldnir síðustu vikur í Reykjavík og víðar um landið en þangað hefur verið langt að sækja fyrir Austfirðinga sem skipulögðu þess vegna sinn eigin fund.
Hópurinn safnaðist saman við Egilsstaðakirkju og gekk þaðan í gegnum bæinn niður að Tehúsinu þar sem fundurinn sjálfur var haldinn. Þar voru fluttar ræður og tónlistaratriði.
Árni Friðriksson, einn skipuleggjenda og ræðumanna, sagði þörfina á slíkum fundi skapast því að á Gaza væri framið þjóðarmorð á Palestínumönnum sem íslensk stjórnvöld ættu erfitt með að viðurkenna.
Þau hefðu að auki tregast við að hjálpa palestínskum börnum sem ættu sannarlega rétt á að koma til Íslands á grundvelli fjölskyldusameiningar.
Mynd: Aðsend
