Gert ráð fyrir 20 stiga hita áfram næstu daga
Fréttir • This email address is being protected from spambots. You need JavaScript enabled to view it. • Fyrst birt 30. maí 2023 08:49 • Uppfært 30. maí 2023 09:16
Veðurstofa Íslands spáir upp undir 20 stiga hita á Austurlandi eins langt og spár teljast marktækar, jafnvel lengur.
Hitinn á Eskifirði framan að nóttu var 18-19 gráður sem gefur tóninn fyrir daginn. Búið er við 17-18 gráðum víða um Austurland eftir hádegi í dag. Í dag verður þó allhvasst, eins og víða annars staðar á landinu. Rykmistur liggur yfir Héraði.
Á morgun lægir vind hins vegar og þá er gert ráð fyrir um 20 stiga hita og sól. Sá hiti helst áfram á fimmtudag og föstudag þótt þá verð væntanlega skýjað.
Spáin fyrir helgina er sömuleiðis ágæt, þótt hún sé ekki jafn marktæk. Þó eru einhverjar líkur á skúrum út við ströndina þegar líður á vikuna.
