Helga Jónsdóttir enn á launum hjá Fjarðabyggð
Fréttir • This email address is being protected from spambots. You need JavaScript enabled to view it. • Fyrst birt 11. mar 2011 14:46 • Uppfært 08. jan 2016 19:22
Helga Jónsdóttir, fyrrverandi bæjarstýra í Fjarðabyggð, er enn á launum
hjá sveitarfélaginu þótt komið sé fram yfir þann biðlaunatíma sem samið
var um í upphafi. Sveitarfélagið greiðir að auki flutningskostnað hennar
til Reykjavíkur.
Austurglugginn greinir frá þessu í dag. Þar segir að Helgu hafi verið tryggður sex mánaða biðlaunaréttir í ráðningarsamningi en samkvæmt uppgjöri við sveitarfélagið fær hún greitt „vel fram yfir umsamið biðlaunatímabil.“ Helga lét af starfi um miðjan september.
Samkvæmt heimildum blaðsins er ekki um að ræða hefðbundinn starfslokasamning heldur uppgjör vegna áuninna réttinda samkvæmt ráðningarsamningi sem meðal annars stafa af vannýttu orlofi.
Blaðið hefur ekki fengið samninginn afhentan og er því borið við að um trúnaðarmál sé að ræða. Uppgjörið var samþykkt af bæði fyrrverandi og núverandi bæjarráðum Fjarðabyggðar. Enginn núverandi fulltrúa í bæjarráði vildi tjá sig um uppgjörið þegar eftir því var leitað.
Þá liggur fyrir reikningur hjá bæjarráði Fjarðabyggðar vegna flutningskostnaðar Helgu frá Fjarðabyggð til Reykjavíkur og hljóðar sá kostnaður upp á 400.000 – 450.000 krónur.
Áætlað er að heildarlaun Helgu hjá Fjarðabyggð hafi verið um ein milljón króna á mánuði. Hún tók við starfi ráðneytisstjóra í efnahags- og viðskiptaráðuneytinu þann 1. desember síðastliðinn.
Nánar er fjallað um málið í Austurglugganum.
Samkvæmt heimildum blaðsins er ekki um að ræða hefðbundinn starfslokasamning heldur uppgjör vegna áuninna réttinda samkvæmt ráðningarsamningi sem meðal annars stafa af vannýttu orlofi.
Blaðið hefur ekki fengið samninginn afhentan og er því borið við að um trúnaðarmál sé að ræða. Uppgjörið var samþykkt af bæði fyrrverandi og núverandi bæjarráðum Fjarðabyggðar. Enginn núverandi fulltrúa í bæjarráði vildi tjá sig um uppgjörið þegar eftir því var leitað.
Þá liggur fyrir reikningur hjá bæjarráði Fjarðabyggðar vegna flutningskostnaðar Helgu frá Fjarðabyggð til Reykjavíkur og hljóðar sá kostnaður upp á 400.000 – 450.000 krónur.
Áætlað er að heildarlaun Helgu hjá Fjarðabyggð hafi verið um ein milljón króna á mánuði. Hún tók við starfi ráðneytisstjóra í efnahags- og viðskiptaráðuneytinu þann 1. desember síðastliðinn.
Nánar er fjallað um málið í Austurglugganum.
