Hestaníðingur á ferð á Egilsstöðum?
Grunur er um að dýraníðingur hafi skorið kynfæri hryssu sem höfð var í
hesthúsum í Fossgerði á Fljótsdalshéraði. Málið hefur verið kært til
lögreglu.
„Ég á mjög erfitt með að sjá hvernig þessir áverkar gætu verið af völdum hryssunnar sjálfrar eða annarra dýra,“ er haft eftir Hirti Magnasyni, dýralækni á Egilsstöðum á Vísi sem skoðaði hryssuna á sunnudag.
Hestamaðurinn sem uppgötvaði sárinn hefur tekið saman greinargerð og komið til lögreglunnar þar sem hann lýsir þeirri skoðun að „hestaripper“ sé á ferð. Sá starfar sem læknir á Egilsstöðum.
„Þetta glæpsamlega tortímingaræði flokkast undir (zoosadisma) dýraníðingsskap. Í hópnum eru kvennaraðmorðingjar, en við yfirheyrslur margra þeirra í Þýskalandi er oft fyrri saga um dýraníðingsskap, raðáverka eða raðmorð. Einnig játuðu flestir að vera kvenhatarar,“ segir í greinargerðinni.
