Íbúafundur um rafeldsneyti og menningarmót í Fjarðabyggð
Íbúafundur verður á Reyðarfirði í kvöld um áformaða framleiðslu rafeldsneytis þar. Þá býður Menningarstofan til menningarmóta næstu tvö kvöld þar sem rætt verður um menningarstefnu fyrir Fjarðabyggð.Á fundinum á Reyðarfirði í kvöld munu fulltrúar Fjarðabyggðar, Fjarðarorku og CIP fara yfir stöður og forsendur uppbyggingar fyrirhugaðrar rafeldsneytisframleiðslu á Reyðarfirði og þess sem felst í henni og Orkugarði Austurlands. Fundurinn hefst klukkan 18:00 í kvöld og er haldinn í Grunnskóla Reyðarfjarðar.
Þá býður Menningarstofa Fjarðarbyggðar til Menningarmóts. Starf menningarstofunnar verður kynnt og rætt um endurnýjun menningarstefnu sveitarfélagsins sem og menningarmál í víðu samhengi. Fyrri fundurinn verður í Tónlistarmiðstöð Austurlands á Eskifirði í kvöld en sá seinni í félagsheimilinu Skrúð á Fáskrúðsfirði á morgun. Báðir fundirnir hefjast klukkan 17:00.