Leggja áherslu á bílbeltanotkun
Fréttir • This email address is being protected from spambots. You need JavaScript enabled to view it. • Fyrst birt 04. feb 2022 16:44 • Uppfært 04. feb 2022 16:45
Lögreglan á Austurlandi hyggst leggja sérstaka áherslu á að fylgjast með bílbeltanotkun í febrúar, sem og dekkja- og ljósabúnaði ökutækja.
Þetta kemur fram í tilkynningu frá lögreglunni þar sem farið er yfir áhersluatriði næstu vikna og því heitið að lögreglan verði sýnileg í umferðinni til að reyna að hvetja ökumenn til aðgæslu.
Þá er áréttað að ökutæki séu ekki skilin eftir mannlaus í gangi fyrir utan verslanir eða skóla auk þess að læsa þeim tryggilega þegar þau eru yfirgefin.
Eitt umferðarslys var skráð á svæðinu í nýliðnum janúar. Þar var um bílveltu að ræða. Ökumaður var einn í bílnum og meiddist lítillega.
