Lögregla komin með dauðu kettlingana
Lögreglan á Austurlandi hefur fengið hræ af fimm dauðum kettlingum, sem fundust á Eskifirði um helgina, til rannsóknar. Dánarorsök liggur ekki fyrir.Austurfrétt greindi í gær frá því að Matvælastofnun hygðist kæra málið til lögreglu. Þá var gengið út frá því að kettlingunum hefði verið drekkt, en þeir fundust í á í bænum.
Hið rétta er að dánarorsök kettlinganna liggur ekki fyrir. Rétt leið málsins er því sú að lögreglan á Austurlandi fékk í gær hræin í sína vörslu. Í tilkynningu lögreglunnar frá í gær segir að engar beinar vísbendingar séu um að kettlingunum hafi verið drekkt.
Næsta skref er að lögregla afhendir Matvælastofnun hræin til rannsóknar. Framhald málsins ræðst síðan á þeirri rannsókn, meðal annars hvort málið verði formlega kært til lögreglu.
