Lundinn er lentur á Borgarfirði Eystra
Fréttir • This email address is being protected from spambots. You need JavaScript enabled to view it. • Fyrst birt 13. apr 2023 13:01 • Uppfært 13. apr 2023 13:02
Lundinn lenti á Borgarfirði Eystra Í gærkvöldi. Hjónin Elísabet Ólafsdóttir og Björn Aðalsteinsson voru á rölti við Hólmann og náðu myndum af fuglunum.
Björn segir að um átta leytið var enginn Lundi kominn í hólmann. „Þá sátu þeir út á sjó. Svo komu þeir í hringi yfir og láta sig detta niður og allt fyllist á augnabliki. Eftir 8 mánuði á sjó þá kemur hann oft um þetta leyti árs,” segir Björn
Björn segir Lundann einn af mestu vorboðunum. Lundinn hefur mikið aðdráttarafl en á Borgarfirði Eystra hefur mikill metnaður verið lagður í að skapa sem bestar aðstæður til fuglaskoðunar.
Í vefmyndavél frá Borgarfjarðarhöfn er hægt að fylgjast með Lundunum setjast að og finna sér dvalarstað fyrir sumarið.
Mynd: Elísabet Ólafsdóttir
