Nýársgjöf Austurgluggans

Vikublaðið Austurglugginn kemur út einu sinni í viku og er sendur áskrifendum. Þótt blaðið sé unnið af sömu ritstjórn og Austurfrétt er þar ávallt að finna efni sem ekki er komið á vefinn.

Til þessa hefur áskriftin aðeins verið aðgengileg í prentformi en innan skamms kemur áskriftakerfi á Austurfrétt þar sem nálgast má rafræna útgáfu Austurgluggans. Á meðan þróun áskriftakerfisins og tilraunir með rafrænu kerfin standa yfir verður blaðið aðgengilegt rafrænt án endurgjalds.

Þróun á þessari útgáfu hefur staðið yfir síðustu mánuði í samvinnu við hið sænska Prenly með styrk frá Uppbyggingarsjóði Austurlands.

Blaðið er hægt að nálgast á vefformi á slóðinni: http://agl.austurfrett.is

Smáforritið Austurglugginn er aðgengilegt fyrir Android-tæki á Play Store og iOs-búnað á App Store.