Opnaði bóka og netkaffihús á Hlöðum í Fellabæ
Gréta Sigurjónsdóttir opnaði í gær nýtt kaffihús Bókakaffi, í húsnæði gömlu Bókabúðarinnar á Hlöðum í Fellabæ. Þar er hægt að líta í gamlar bækur yfir kaffinu nú eða fara á netið og kaupa sér gamla og góða bók til að taka með sér heim.
Auk þess að vera með á boðstólum kaffi og með því, ásamt léttum hádegisverði hefur Gréta til sölu gamlar bækur á góðu verði úr handraða Sigbjörns Brynjólfssonar sem höndlaði með bækur áður og fyrr í þessu húsnæði. Þó ekki sé hægt að kaupa bækur þarna á kílóaverði eins og fyrir vestan verður að segja að verðið er sanngjarnt oft á bilinu 250 til 300 krónur.
Einnig er hægt að fara á netið í Bókakaffi, þar eru tvær tölvur á staðnum, auk þess sem fólk getur komið með sínar eigin fartölvur og komist á heitt svæði til að tengjast.
Meðlætið með kaffinu er ekki af verri endanum heldur, mest allt heimagert eða bakað á staðnum, má þar nefna af handahófi, saltfiskvöfflur með belgísku lagi, lagaðar eftir uppskrift fiskikóngsins á Borgarfirði ,,ala" Karl. Baunapönnukökur, hefðbundnar pönnukökur, kleinur og allskonar hnallþórur. Auk þess hefur Gréta til sölu ýmsar framleiðsluvörur matarkins hér af svæðinu, til dæmis frá Eymundi í Vallanesi. Opnunar tíminn er áætlaðu milli klukkan 12 og 22 í allt sumar.
