Orkan opnar í Möðrudal
Fréttir • This email address is being protected from spambots. You need JavaScript enabled to view it. • Fyrst birt 23. jún 2023 11:18 • Uppfært 23. jún 2023 11:18
Orkan hefur nýja þjónustumiðstöð við Möðrudal. Til stendur að byggja burstabæ utan um tankana síðar í sumar.
„Við erum spennt að opna Orkustöð á Möðrudal og auka þjónustustigið á Norðausturlandi. Við sjáum þörfina á þessu svæði og erum gríðarlega ánægð að fá að taka þátt í uppbyggingunni á Möðrudal með Vilhjálmi,“ segir Auður Daníelsdóttir, forstjóri Orkunnar í tilkynningu.
Þar segir að stöðin þjónustu svæði þar sem lengi hafi vantað eldsneytissölu og veðri mikilvæg fyrir þau sem fari upp á hálendi Norðausturlands. Í boði verða bensín og dísill.
„Það er frábært að fá Orkuna til okkar þar sem viðskiptavinir leita reglulega hingað með tóman tank. Á þessu svæði er mikið um hálendisferðalanga og frábært að geta aukið þjónustu við þann hóp sem er hér á ferðinni,“ segir Vilhjálmur Vernharðsson, ábúandi á Möðrudal á Fjöllum.
Stöðin verður klædd í búning sem hæfir umhverfinu því þeir verða byggðir inn í burstabæ. Stefnt er að smíðavinnu í júlí.
