Úrslitin ákall um breytingar
Fréttir • This email address is being protected from spambots. You need JavaScript enabled to view it. • Fyrst birt 31. maí 2010 17:32 • Uppfært 08. jan 2016 19:21
Sigrún Harðardóttir, sem var í öðru sæti Á-listans á Fljótsdalshéraði, segir úrslit kosninganna í sveitarfélaginu þýða að kjósendur vilji breytingar. Meirihlutinn féll og hefjast formlegar meirihlutaviðræður milli Á-listans og Framsóknarflokksins í kvöld.
"Við erum að hefja viðræður í kvöld og vitum því ekki ennþá hvað er í spilunum. En það er ljóst að við gerum okkur vonir um að ná að mynda starfhæfan meirihluta sem fyrst," sagði Sigrún í samtali við agl.is í dag.Sigrún segir frambjóðendur Á-listans þakkláta kjósendum fyrir "mikinn og góðan stuðning."
Kjósendur hafi sent skilaboð um að þeir vilji breytingar. "Við lítum svo á að þar sem meirihlutinn er fallinn þá sé það vísbending um að vilji kjósenda sé að fá fram breytingar í stjórn sveitarfélagsins."
