Rúðum rústað í vörubíl
Nokkuð tjón varð þegar ráðist var á mannlausan vörubíl í Neskaupstað um seinustu helgi. Málið er upplýst.
Bíllinn stóð við atvinnuhúsnæði í bænum. Rúður voru brotnar auk hliðarspegils og kastara. Lögreglan segir tjónið nokkuð þar sem varahlutirnir séu ekki gefnir. Málið er upplýst og játning liggur fyrir.
Fimm voru teknir fyrir of hraðan akstur í umdæmi sýslumannsins á Eskifirði og skráningarnúmer sjö bifreiða tekin þar sem vátrygging þeirra var útrunnin. Einn var tekinn fyrir akstur án ökuréttinda og eitt fíkniefnamál kom upp.
Tilkynnt var um fjögur slys þar sem fólk slasaðist en aldrei alvarlega.
