Sextán stiga hiti þrátt fyrir norðaustan átt
Fréttir • This email address is being protected from spambots. You need JavaScript enabled to view it. • Fyrst birt 09. maí 2023 09:01 • Uppfært 09. maí 2023 09:03
Veðurstofan spáir vel fyrir gróðrinum í vikunni með hlýindum, skúrum og sólskini á víxl. Von er á allt að 16 stiga þrátt fyrir að vindur blási úr norðaustri.
Samkvæmt spánni verður 16 stiga hiti á Egilsstöðum um klukkan þrjú í dag þrátt fyrir að líkur séu á að vindur standi þá úr norðaustri, sem yfirleitt ber með sér kaldara loft. Víða annars staðar á Austfjörðum er von á 13-14 stiga hita í dag. Svalast verður syðst.
Þótt ekki sé spáð alveg jafn miklum hlýindum næstu daga þá er veðurútlitið fram til laugardags áþekkt því er von er á í dag. Reiknað með 13-14 stiga hita á Fljótsdalshéraði en aðeins svalara út við ströndina. Von er á stöku skúrum, til að mynda seinni partinn á morgun.
