Skipta út möstrum við Fljótsdalsstöð
Fréttir • This email address is being protected from spambots. You need JavaScript enabled to view it. • Fyrst birt 02. ágú 2023 09:24 • Uppfært 02. ágú 2023 09:27
Verktakar á vegum Landsnets vinna um þessar mundir að því að skipta um möstur í Kröflulínu 2 þar sem hún leggur niður Teigsbjarg að Fljótsdalsstöð.
Fjórum síðustu möstrunum, sem eru hefðbundin grindarmöstur, verður skipt út fyrir sérstaklega hönnuð möstur sem heita Fuglinn. Samskonar möstur eru í Kröflulínu 3 á þessum stað.
Þessi skipt á möstrum eru hluti af samkomulagi sem Landsnet gerði við Fljótsdalshrepp þegar leyfi fékkst til að reisa Kröflulínu 3. Samkomulagið gekk út á að möstur, sem sýnileg eru úr Fljótsdal, yrðu eins í báðum línum og sérstaklega hönnuð. Samkvæmt upplýsingum frá Landsneti eru þessi möstur nokkuð dýrari en hefðbundin möstur.
