Íslandspóstur tilbúinn í viðræður
Fréttir • This email address is being protected from spambots. You need JavaScript enabled to view it. • Fyrst birt 15. sep 2010 22:26 • Uppfært 08. jan 2016 19:21
Íslandspóstur er tilbúinn í viðræður við sveitarfélagið Fjarðbyggð um
framtíð afgreiðslu fyrirtækisins á Stöðvarfirði. Allir möguleikar koma
til greina.
Á fjölmennum íbúafundi á Stöðvarfirði í seinasta mánuði lýsti talsmaður Íslandspósts því yfir að fyrirtækið væri tilbúið að skoða ýmsa möguleika sem þar voru nefndir þótt afgreiðsla fyrirtækisnis hefði lokað um mánaðarmótin.
Þetta er ítrekað í svarbréfi Íslandspóts til bæjarráðs Fjarðabyggðar. Þar kemur fram að Pósturinn sé tilbúinn að skoðan „alla möguleika þótt ekki verði haldið uppi póstafgreiðslu með óbreyttu sniði.“
Í bókun sinni fagnar bæjarráð góðum undirtektum Íslandspósts og ætlar að kalla til formlegra viðræðna við fyrirtækið síðar á árinu.
Hörður Jónsson, framkvæmdastjóri pósthúsasviðs, sagði á íbúafundinum að ákvörðun Landsbankans að loka afgreiðslu sinni á Stöðvarfirði hefði verið kveikjan að ákvörðun Póstsins en fyrirtækin voru í sama húsinu. Ef Landsbankinn endurskoðaði sína afstöðu kæmi til greina að Pósturinn gerði það einnig.