Snjómokstur fyrir milljarð boðinn út
Fréttir • This email address is being protected from spambots. You need JavaScript enabled to view it. • Fyrst birt 18. apr 2023 14:55 • Uppfært 18. apr 2023 14:58
Tilboð í vetrarþjónustu, snjómokstur og hálkuvarnir, á níu leiðum á Austurlandi til næstu þriggja ára voru nýverið opnuð hjá Vegagerðinni. Samanlögð upphæð lægstu tilboða er yfir einum milljarði króna.
Um er að ræða leiðir allt frá Höfn norður að Einarsstöðum í Reykjadal. Þaðan er mokað að Möðrudalsöræfum.
Þ.S. Verktakar á Egilsstöðum eru með flesta einstaka leggi, þrjá talsins en tveir leggir koma í hlut SG Véla á Djúpavogi.
Samanlagt verðmæti lægstu tilboða nemur rúmlega 1.033 milljónum króna. Áætlaður verktakakostnaður var tíu milljónum hærri.
Útboðið gildir til næstu þriggja ára, 2023-2026 með möguleika á framlengingu til tveggja ára í senn.
| Leið | Lægstbjóðandi | Tilboð | Áætlaður kostnaður | Akstur á ári |
|---|---|---|---|---|
| Djúpivogur - Höfn | SG Vélar, Djúpavogi | 63.750.000 kr. | 61.900.650 kr. | 12.100 km |
| Breiðdalsvík - Djúpivogur | SG Vélar, Djúpavogi | 56.250.000 kr. | 55.418.250 kr. | 10.500 km |
| Reyðarfjörður - Breiðdalsvík | Vöggur, Fáskrúðsfirði | 77.823.250 kr. | 76.740.300 kr. | 15.200 km |
| Reyðarfjörður - Neskaupstaður | Rúnar Gunarsson, Neskaupstað | 73.556.250 kr. | 72.538.800 kr. | 14.200 km |
| Fagridalur | Þ.S. Verktakar, Egilsstöðum | 117.450.000 kr. | 107.645.700 kr. | 22.800 km |
| Fljótsdalshérað - Vatnsskarð | Þ.S. Verktakar, Egilsstöðum | 157.770.000 kr. | 141.958.500 kr. | 28.000 km |
| Vopnafjörður | Steiney, Vopnafjörður | 171.270.000 kr. | 186.124.500 kr. | 39.000 km |
| Hérað - Fjöllin | Þ.S. Verktakar, Egilsstöðum | 170.100.000 kr. | 160.264.500 kr. | 33.000 km |
| Einarsstaðir - Möðrudalsvegamót | Vinnuvélar Reynis B. Ingvasonar, Aðaldal | 145.074.801 kr. | 179.505.000 kr. | 40.000 km |
