Steingrímur J.: Stórslys ef loka þarf Sundabúð
Fréttir • This email address is being protected from spambots. You need JavaScript enabled to view it. • Fyrst birt 24. nóv 2010 15:57 • Uppfært 08. jan 2016 19:21
Steingrímur J. Sigfússon, fjármálaráðherra og fyrsti þingmaður
Norðausturkjördæmis, segir að það yrði „stórslys“ ef lokaþyrfti
hjúkrunarheimilinu Sundabúð á Vopnafirði. Hann vonast til að lausn verði
fundin á málefnum hjúkrunarheimilisins.
Þetta kemur fram í viðtali við Steingrím í nýjasta tölublaði Austurgluggans.
„Ég vonast til þess að fundin verði lausn á málefnum Sundabúðar því það yrði stórslys ef þar þyrfti að loka,“ segir Steingrímur.
Hann tekur undir fyrri orð heilbrigðisráðherra um að endanleg ákvörðun um lokun Sundabúðar sé yfirmanna Heilbrigðisstofnunar Austurlands. Steingrímur segir starfsmenn heilbrigðisráðuneytisins hafa skort upplýsingar í málinu.
„Það eru undirliggjandi hlutir í þessu sem menn hafa ekki áttað sig á og heilbrigðisráðuneytið ekki verið nægjanlega vel upplýst til dæmis um það að rekstur Sundabúðar hafi í raun verið byggður á 40 milljón króna millifærslu á ári frá HSA. En lokun Sundabúðar er ekki tillaga stjórnvalda heldur útfærsla HSA við niðurskurðinum.“
„Ég vonast til þess að fundin verði lausn á málefnum Sundabúðar því það yrði stórslys ef þar þyrfti að loka,“ segir Steingrímur.
Hann tekur undir fyrri orð heilbrigðisráðherra um að endanleg ákvörðun um lokun Sundabúðar sé yfirmanna Heilbrigðisstofnunar Austurlands. Steingrímur segir starfsmenn heilbrigðisráðuneytisins hafa skort upplýsingar í málinu.
„Það eru undirliggjandi hlutir í þessu sem menn hafa ekki áttað sig á og heilbrigðisráðuneytið ekki verið nægjanlega vel upplýst til dæmis um það að rekstur Sundabúðar hafi í raun verið byggður á 40 milljón króna millifærslu á ári frá HSA. En lokun Sundabúðar er ekki tillaga stjórnvalda heldur útfærsla HSA við niðurskurðinum.“
