Stofnun undirhóps Sterkara Íslands á Austurlandi
Samtök Evrópusinna á Íslandi, Sterka Ísland, boða til fundar um
Evrópumál í húsi Þekkingarnets Austurlands í Vonarlandi á Egilsstöðum
annað kvöld.
Í tilkynningu frá hópnum segir að markmiðið sé að eiga „skemmtilegar og fræðandi samræður um Evrópumál og koma á fót undirhópi Sterkara Íslands á Austurlandi. Á fundinum gefst fólki tækifæri til þess að spá í spilin og spyrja um hvaðeina í tengslum við aðildarviðræður og aðild að ESB.“
Þrír framsögumenn verða á fundinum, sem hefst klukkan 20:00.
Anna Margrét Guðjónsdóttir, sérfræðingur og stjórnarmaður í samtökunum Sterkara Ísland.
-Austurland í ESB - hvers má vænta?
Rannveig Þórhallsdóttir, framkvæmdastjóri Sagnabrunns
-Tækifæri frumkvöðla á landsbyggðinni innan ESB
Hafliði Hafliðason, framkvæmdastjóri Þróunarfélags Austurlands
-Er austfirsk þekking útflutningsvara?
