Umfangsmikil lögregluæfing á Seyðisfirði
Fréttir • This email address is being protected from spambots. You need JavaScript enabled to view it. • Fyrst birt 21. mar 2024 08:29 • Uppfært 21. mar 2024 07:59
Stór æfing á vegum lögreglunnar hófst á Seyðisfirði um klukkan átta í morgun og stendur til hádegis. Þyrla Landhelgisgæslunnar tekur þátt í æfingunni.
Það eru Lögreglan á Austurlandi, sérsveit Ríkislögreglustjóra og Menntasetur lögreglu sem taka þátt auk þyrlusveitar Landhelgisgæslunnar.
Æfð eru viðbrögð þessara eininga í stórum málum þar sem meðal annars reynir á samstarf og samstillingu. Sambærilegar æfingar eru haldnar í öllum lögregluumdæmum, stýrt af Menntasetrinu.
Í tilkynningu frá skipuleggjendum er beðist velvirðingar á ónæði sem kann að stafa af æfingunni.
