Varað við hvassviðri síðdegis á hluta Austurlands
Fréttir • This email address is being protected from spambots. You need JavaScript enabled to view it. • Fyrst birt 16. jan 2024 09:20 • Uppfært 16. jan 2024 09:20
Gular viðvaranir taka gildi síðla dags í dag á stórum hluta Austurlands eins og sjá má á meðfylgjandi korti Veðurstofu Íslands.
Spáin gerir ráð fyrir vaxandi vindi fljótlega eftir hádegið og bæta fer í ofankomu. Vindur mun ná allt að 25 metrum á sekúndu í staðbundnum hviðum en 15 til 20 metra þess utan. Skafrenningur verður víða og af því leiðir að sterkar líkur eru á að færð spillist á stóru svæði upp úr klukkan 15 í dag.
Viðvaranirnar verða í gildi fram eftir nóttu og fram á næsta morgun á suðausturlandi. Austfirðirnir eiga að mestu að sleppa við hvassviðrið en það mun töluvert snjóa þar líka.
