Vopnfirðingar vilja taka Sundabúð að sér
Fréttir • This email address is being protected from spambots. You need JavaScript enabled to view it. • Fyrst birt 13. des 2010 16:03 • Uppfært 08. jan 2016 19:22
Rekstur hjúkrunarheimilisins Sundabúðar á Vopnafirði hefur verið
tryggður að minnstakosti eitt ár í viðbót. Þann tíma á meðal annars að
nýta í að kanna möguleika á yfirtöku sveitarfélagsins á rekstrinum.
Þetta er niðurstaðan eftir mikil mótmæli og endurskoðun á framlögum ríkisins til Heilbrigðisstofnunar Austurlands (HSA) sem upphaflega áformaði að loka hjúkrunarheimilinu.
Þótt legudeildin verði ekki að fullu lögð niður hafa verið settar fram kröfur um niðurskurð og óskað eftir því að sveitarfélagið taki að sér reksturinn.
Á seinasta fundi sveitarstjórnar Vopnafjarðarhrepps var óskað eftir því að reksturinn yrði óbreyttur fyrst um sinn á meðan leitað yrði leiða til að sveitarfélagið yfirtaki hann. Samþykkt var að skipa sérstakan viðræðuhóp til að ræða við ríkið um yfirtökuna.
Skilyrði fyrir henni er að nægjanlegt fjármagn fylgi með til rekstursins.
Þótt legudeildin verði ekki að fullu lögð niður hafa verið settar fram kröfur um niðurskurð og óskað eftir því að sveitarfélagið taki að sér reksturinn.
Á seinasta fundi sveitarstjórnar Vopnafjarðarhrepps var óskað eftir því að reksturinn yrði óbreyttur fyrst um sinn á meðan leitað yrði leiða til að sveitarfélagið yfirtaki hann. Samþykkt var að skipa sérstakan viðræðuhóp til að ræða við ríkið um yfirtökuna.
Skilyrði fyrir henni er að nægjanlegt fjármagn fylgi með til rekstursins.
