Atvinnuleysi jókst aðeins á Austurlandi
Atvinnuleysi á Austurlandi jókst um 0.4% á milli nóvember og desember á síðasta ári. Sömu sögu er að segja frá Vesturlandi þar sem aukningin var sú sama. Er þetta mesta aukingin á landsvísu.Fjallað er um atvinnuleysi í nýrri Hagsjá Landsbankans. Þar segir að í desember var skráð atvinnuleysi á landinu 4.9%. Skráð atvinnuleysi náði hámarki í janúar 2021 þegar það var 11,6%. Atvinnuleysið hefur því minnkað um 6,7 prósentustig frá því sem mest var.
„Almennt atvinnuleysi jókst alls staðar á landinu nema á höfuðborgarsvæðinu, Suðurnesjum og Vestfjörðum milli nóvember og desember,“ segir í Hagsjánni.
„Atvinnuleysi á höfuðborgarsvæðinu og Vestfjörðum minnkaði um 0,1 prósentustig milli mánaða og um 0,2 prósentustig á Suðurnesjum. Atvinnuleysi jókst mest um 0,4 prósentustig á Vesturlandi og Austurlandi. Atvinnuleysi er eftir sem áður langmest á Suðurnesjum og á höfuðborgarsvæðinu.
Á Austurlandi og Norðurlandi vestra var langminnsta atvinnuleysi á landinu eða um 2% í þeim landshlutum. Almennt atvinnuleysi var að meðaltali 7,7% á árinu 2021, 0,2 prósentustigum lægra en árið 2020.
