Boða möguleg inngrip í skólastarf á Austurlandi
Fréttir • This email address is being protected from spambots. You need JavaScript enabled to view it. • Fyrst birt 13. jan 2022 12:34 • Uppfært 13. jan 2022 12:34
Aðgerðastjórn almannavarna á Austurlandi hefur boðað að mögulega verði gripið inn í skólastarf í fjórðungnum vegna COVID smita að undanförnu.
Í tilkynningu frá aðgerðastjórninni segir að enn sé mikill fjöldi smita að greinast á Austurlandi. Smit sem greinst hafa síðustu tvo sólarhringa eru ekki síst í Fjarðabyggð og teygja sig víða inn í skólastarf þar. Smit eru bæði meðal nemenda og kennara.
"Aðgerðastjórn fundaði í morgun og á eftir er fyrirhugaður fundur með skólastjórnendum á Reyðarfirði, Eskifirði og Neskaupstað til að leggja mat á stöðuna. Mögulegt er að grípa þurfi til aðgerða innan skólanna til að koma í veg fyrir frekari útbreiðslu smita.
Aðgerðastjórn mun senda út aðra tilkynningu í dag þegar frekari ákvarðanir hafa verið teknar."
