Enginn fiskur í netum Laxa í Reyðarfirði
„Fiskistofa vitjaði netanna 21. janúar og reyndist enginn fiskur í netunum. Í framhaldi voru netin tekin upp að beiðni Fiskistofu,“ segir í uppfærslu frá Matvælastofnun um gatið sem kom á sjókví Laxa í Reyðarfirði í síðustu viku. Netin voru lögð út til að stöðva lax sem gæti hafa sloppið úr sjókvínni.Í uppfærslunni segir: „Fiskistofa vitjaði netanna 21. janúar og reyndist enginn fiskur í netunum. Í framhaldi voru netin tekin upp að beiðni Fiskistofu. Matvælastofnun fyrirskipaði að kafað yrði í allar kvíar á eldissvæðinu Vattarnesi og að köfunarskýrslum yrði skilað til stofnunarinnar. Ekkert reyndist athugavert við aðrar kvíar á svæðinu.
Að gefnu tilefni vill Matvælastofnun árétta að fiskur á eldissvæðinu Vattarnesi í Reyðarfirði er ekki sýktur af Blóðþorra. Öll eldissvæði á Austfjörðum eru undir reglubundnu eftirliti með áherslu á skimanir gegn ISA veirunni.“
Eins og kunnugt er af fréttum barst Matvælastofnun tilkynning frá Löxum Fiskeldi fimmtudaginn 20. janúar um gat á nótarpoka einnar sjókvíar Laxa við Vattarnes í Reyðarfirði.
Gatið uppgötvaðist við reglubundið eftirlit með kvíum á stöðinni og virkjaði fyrirtækið viðbragðsáætlun sína strax og er viðgerð lokið. Samkvæmt upplýsingum Laxa var gatið á um 7 m dýpi og reyndist vera um það bil 50x15 cm að stærð. Í þessari tilteknu kví eru um 145.000 laxar með meðalþyngd 2,6 kg.
Laxar lögðu út net í takt við viðbragsáætlun og tilkynntu Matvælastofnun, Fiskistofu og Fjarðarbyggð strax um atburðinn.
