Enginn skóli á Eskifirði á morgun vegna smits
Fréttir • This email address is being protected from spambots. You need JavaScript enabled to view it. • Fyrst birt 06. des 2021 22:34 • Uppfært 06. des 2021 22:34
Ákveðið hefur verið að fella niður skólahald í Eskifjarðarskóla á morgun eftir að smit greindist hjá starfsmanni skólans.
Vegna þessa eru nemendur og starfsfólk skólans hvattir til að fara í PCR-sýnatöku á morgun, þriðjudag. Opið er á heilsugæslustöðinni á Reyðarfirði milli 12 og 13.
Þeir eru síðan beðnir um að halda sig til hlé þar til niðurstaða liggur fyrir, sem vonandi verður annað kvöld. Nánari upplýsingar verða sendar út þegar frekari upplýsingar liggja fyrir.
