Fagridalur opinn en aðrir fjallvegir lokaðir til morguns
Fréttir • This email address is being protected from spambots. You need JavaScript enabled to view it. • Fyrst birt 03. jan 2022 18:14 • Uppfært 03. jan 2022 18:16
Tekist hefur að ryðja veginn um Fagradal en skyggni er afar lítið og ökumenn hvattir til að fara afar varlega. Beðið verður með mokstur á öðrum helstu fjallvegum til morguns.
Hafist verður handa við að moka á stöðum eins og yfir Fjarðarheiði og Möðrudalsöræfin í fyrramálið en búast má við að eitthvað verði liðið á daginn áður en vegirnir opnast að fullu.
Vindur er aðeins farinn að ganga niður austanlands en þó er áfram gert ráð fyrir töluverðum vindhraða um fjórðunginn allan fram á nótt. Allt að 18 metrum á sekúndu á stöku stöðum. Vindur fer ekki að deyja niður að ráði fyrr en með morgninum.
