Fjarðarheiði lokuð, þungfært á Fagradal

Þetta kemur fram á vefsíðu Vegagerðarinnar. Þar segir einnig að þæfingsfærð og skafrenningur er víða en snjóþekja meðfram ströndinni. Ófært er um Öxi og Breiðdalsheiði.

Alltaf má búast við hreindýrum við vegi á þessum árstíma og eru vegfarendur beðnir að aka varlega, segir einnig á vefsíðunni.

Að sögn lögreglunnar á Austurlandi er eitthvað um að ökumenn hafi lent í vandræðum vegna færðar og þurft aðstoð. Tilkynnt var um einn útafakstur. Hinsvegar hafa orðið ekki slys á fólki og engin alvarleg atvik tilkynnt.

Lögreglan minnir á að ekkert ferðaveður er á Austurlandi sem stendur.